Azərbaycan Respublikası beynəlxalq hüququn tamhüquqlu subyekti kimi dünya birliyinə intensiv surətdə inteqrasiya etməkdədir.Bu proses bir tərəfdən ayrı-ayrı dövlətlərlə ictimai həyatın müxtəlif sahələrində əməkdaşlıqda, bu əməkdaşlığın rəsmiləşdirilməsi üçün ikitərəfli müqavilələrin bağlanmasında, çoxtərəfli müqavilələrə respublikamızın tərəfdar çıxmasında, digər tərəfdən beynəlxalq təşkilatlara inteqrasiya etməklə onların işində, beynəlxalq hüquq normalarının yaradılmasında fəal iştirakda, beynəlxalq hüquq normalarının milli qanunvericiliyə implementasiyasında təzahür edir.
Müəllif :
Əliabbas Salahzadə
Nəşr tarixi : 2007
Oxuculara təqdim olunan “Azərbaycanda dövlətçilik və onun rəmzləri” kitab-albomu Azərbaycan Elmlər Akademiyası Azərbaycan Tarixi Muzeyinin Elmi Şurasının qərarı ilə nəşr edilir. Burada toplanılan və e.ə. III minillikdən başlayaraq 5 min illik tarixi dövrü əhatə edən materiallar Azərbaycan ərazisində dövlətçiliyin tarixinin tədqiqi ilə yanaşı Azərbaycan dövlətçiliyi tarixinin də daha dərindən öyrənilməsinə kömək ola bıləcək ilk addımdır. Azərbaycan dövlətçiliyinin rəmzləri olan sərhədlər, hökmdarlar, dövlət xadimləri, şəhərlər, qalalar, saraylar, pul nişanları, bayraqlar, gerblər və s. haqqında məlumat əsərdə öz əksini tapmışdır.
Müəllif :
Azərbaycan Elmlər Akademiyası, Azərbaycan Tarixi Muzeyi
Nəşr tarixi : 2000
Azərbaycan Respublikasında ilk dəfə olaraq tərtib edilmiş bu dərslikdə beynəlxalq nəqliyyat hüququ ilə bağlı məsələlərin əhatəli şəkildə işıqlandırılmasına təşəbbüs göstərilir. Burada beynəlxalq nəqliyyat hüququna, onun subinstitutlarına anlayış verilir, ayrı-ayrı nəqliyyat növləri üzrə beynəlxalq daşımaların hüquqi tənzimlənməsinin xüsusiyyətləri şərh edilir. Müasir beynəlxalq nəqliyyat daşımaları sahəsində ən yeni normativ-hüquqi sənədlər və çoxsaylı elmi mənbələr əsasında hazırlanmış bu dərslik Azərbaycan beynəlxalq nəqliyyat hüquq
elmində mövcud olan boşluqların doldurulmasına xidmət edir. Dərslikdən ali məktəb tələbələri, hüquqşünaslar, nəqliyyat hüquq elmi sahəsində çalışan mütəxəssislər və praktiki işçilər istifadə edə bilərlər
Müəllif :
Etibar Əliyev
Nəşr tarixi : 2009
Kitabda nigahın bağlanma qaydası və şərtləri, nigaha xitam verilməsi, ər-arvadın, eləcə də valideyn və uşaqların şəxsi və mülkiyyət hüquqları, ailə üzvlərinin aliment öhdəlikləri, valideyn himayəsindən məhrum olan uşaqların tərbiyə formaları, ailə qanunvericiliyinin əcnəbilərin və vətəndaşlığı olmayan şəxslərin iştirakı ilə ailə münasibətlərinə tətbiqi və vətəndaşlıq vəziyyəti aktları geniş şəkildə işıqlandırılmışdır.
Müəllif :
Etibar Orucov
Nəşr tarixi : 2004
Kitabda Azərbaycan Konstitusiyasının preambulası və ümumi müddəaları şəhr olunmuşdur. Ayrı -ayrı maddələrdə təsbit olunan hər bir konstitusion hüquq norması hərtərəfli və sistemli şəkildə açıqlanmış, yeri gəldikcə xarici dövlətlərin konstitusiyaları ilə müqayisələr aparılmış, toxunulan məsələlərə yaradıcı mövqedən yanaşmaqla bir sıra yeni mülahizə və təkliflər irəli sürülmüşdür.
Müəllif :
Yunis Xəlilov
Nəşr tarixi : 2007
1995-ci ildə ümumxalq səsverməsi yolu ilə suveren dövlətin ilk Konstitusiyası qəbul edilmiş, Azərbaycan
dünya birliyinin bərabərhüquqlu dövlətləri sırasına daxil olmuşdur. Bundan sonra respublikamız özünün əsaslı
tarixi irəliləyiş dövrünə qədəm qoymuşdur.
Ölkəmizin siyasi-iqtisadi və sosial-mədəni həyatında baş verən dəyişikliklərin qanuni nəticəsi olaraq
qəbul edilən yeni Konstitusiyada respublikamızın müstəqilliyinin qorunub möhkəmləndirilməsinə, dövlətçiliyin
inkişafına, vətəndaşların hüquq və azadlıqlarının təmin edilməsinə xüsusi diqqət ayrılmışdır.
Müəllif :
A.H.Dəmirov, Ş.N.İsmayılov, Q.F.Hüseynov
Nəşr tarixi : 2010
Monoqrafiya yerli özünüidarəetmə hakimiyyətinin mahiyyətinə, onun elmi konsepsiyalarına, inkişaf tarixinə, idarəçilik hakimiyyət sistemində yerinə, normativ əsaslarına həsr edilib.
Müəllif :
Mehdi Səlimzadə
Nəşr tarixi : 2010
Hüquqi dövlətin başlanğıc nöqtəsi və son məqsədi insan və vətəndaş hüquq və azadlıqlarının təminatıdır.
Məhz hüquqi dövlətdə azadlığın, ədalətin və ümumi sülhün əsasını təşkil edən insan ləyaqəti etiraf olunur və
kütləvi hakimiyyət tərəfindən qorunur. İnsan hüquqları fərdin özünə məxsusluğu, bütövlüyü və azadlığı ilə bağlıdır.
İnsan hüquqları hər bir insanın mövcudluğunun və birgə yaşayışının bünövrəsi olmaqla, müasir dünyada
sülhün və tərəqqinin ifadəsidir. İnsan hüquqları həqiqətən heç bir mədəniyyətə yad deyil və bütün millətlərə
xasdır.
Müəllif :
A.H.Dəmirov, Ş.N.İsmayılov, Q.F.Hüseynov
Nəşr tarixi : 2010
Azərbaycan xalqı özünün çoxəsrlik dövlətçilik ənənələrini
davam etdirərək, «Azərbaycan Respublikasının dövlət müstəqilliyi haqqında» Konstitusiya Aktında əks olunan prinsipləri
əsas götürərək, bütün cəmiyyətin və hər kəsin firavanlığının
təmin edilməsini arzulayaraq, ədalətin, azadlığın və təhlükəsizliyin bərqərar edilməsini istəyərək, keçmiş, indiki və gələcək nəsillər qarşısında öz məsuliyyətini anlayaraq, suveren hüququndan istifadə edərək, təntənəli surətdə aşağıdakı niyyətlərini bəyan edir:
— Azərbaycan dövlətinin müstəqilliyini, suverenliyini və
ərazi bütövlüyünü qorumaq;
— Konstitusiya çərçivəsində demokratik quruluşa təminat
vermək;
— vətəndaş cəmiyyətinin bərqərar edilməsinə nail olmaq;
— xalqın iradəsinin ifadəsi kimi qanunların aliliyini təmin
edən hüquqi, dünyəvi dövlət qurmaq;
— ədalətli iqtisadi və sosial qaydalara uyğun olaraq hamının
layiqli həyat səviyyəsini təmin etmək;
— ümumbəşəri dəyərlərə sadiq olaraq bütün dünya xalqları ilə dostluq, sülh və əmin-amanlıq şəraitində yaşamaq və bu
məqsədlə qarşılıqlı fəaliyyət göstərmək.
Müəllif :
Azərbaycan Respublikasının Konstitusiyası
Nəşr tarixi : 2005