Hüquq və İnsan Haqları İnstitutu publik hüquqi şəxs

Son xəbərlər

Məmməd Xələfovun 100 illik yubiley tədbiri keçirilmişdir

10 noyabr tarixində İnstitutumuzun əməkdaşı Səidə Həsənzadə Bakı Dövlət Universitetində görkəmli hüquqşünas alim, hüquq elmləri doktoru, professor Məmməd Xələfovun 100 illik yubileyinə həsr olunmuş tədbirdə iştirak etmişdir. Tədbirdə Məmməd Xələfovun Azərbaycanda hüquq elminin inkişafında, hüquqşünas kadrların hazırlanmasında əvəzsiz rol oynadığı, gələcək nəsillərə zəngin elmi irs qoyan örnək şəxsiyyət olduğu yubiley iştirakçılarının diqqətinə çatdırılmışdır. Eyni zamanda görkəmli alimin Xalq Cümhuriyyətinin süqutundan sonra hüquq elmində yaranmış problemlərin aradan qaldırılması istiqamətində apardığı araşdırmaların elmə bir töhfə olduğu bildirilmişdir.

11/11/2022

Əməkdaşımız Günay Əliyevanın yeni məqaləsi dərc olunub

İnstitutumuzun əməkdaşı Günay Səhhət qızı Əliyevanın "Azərbaycanın müstəqil hüquqi dövlət quruculuğunda Heydər Əliyevin dövlətçilik siyasəti" adlı məqaləsi dərc olunmuşdur. Məqalə Azərbaycan Respublikası Konstitusiya Məhkəməsi tərəfindən ümummilli lider Heydər Əliyevin anadan olmasının 99-cu ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda keçirilən elmi-nəzəri konfransın materiallarına salınmışdır.

11/11/2022

Hüquqşünaslarımız onlayın müzakirələrdə iştirak ediblər

7 və 8 noyabr tarixlərində İnstitutumuzun hüquqşünasları İlham Əliyev və Zaur Əhmədov “Mediasiya və məhkəmə ekspertizası: Ədliyyə sistemində gender fərqi və həssas marjinal qrupların ədalət mühakiməsinə çıxış imkanı” mövzusunda keçirilmiş onlayın müzakirələrdə iştirak etmişlər. Müzakirələrdə mediasiyanın səmərəliliyi, keyfiyyətli mediasiya xidməti göstərilməsinin və vətəndaşların məmnunluq prinsipinin təmin edilməsi, müdafiə işlərinə olunan maneələrin aradan qaldırılması və həmçinin, keyfiyyətli hüquqi yardım xidməti göstərilməsinin vacibliyi diqqətə çatdırılmışdır.

11/10/2022

Əməkdaşımız İlham Əliyevin yeni məqaləsi dərc olunub

İnstitutumuzun əməkdaşı İlham Malik oğlu Əliyevin “Hüquq yaradıcılığında əxlaq normalarının nəzərə alınma məsələsi” adlı məqaləsi dərc olunmuşdur. Məqalə Azərbaycan Respublikası Konstitusiya Məhkəməsinin ümummilli lider Heydər Əliyevin anadan olmasının 99-cu ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda keçirtdiyi elmi-nəzəri konfransın materiallarına salınmışdır.

11/05/2022

YAP Yasamal Rayon Təşkilatının Zəfər gününə həsr olunmuş iclası keçirilib

4 noyabr tarixində Yeni Azərbaycan Partiyası (YAP) Yasamal Rayon Təşkilatının, Yasamal Rayon İcra Hakimiyyətinin və Müdafiə Nazirliyinin birgə təşkilatçılığı ilə “Zəfər günü”nə həsr olunmuş “Qəhrəmanlıq salnaməsi” adlı tədbir keçirilmişdir. Tədbirdə Milli Məclisin deputatları, müvafiq dövlət qurum və komitələrin əməkdaşları, şəhid ailələrinin üzvləri, qazilər və KİV nümayəndələri iştirak etmişlər.

11/04/2022

Azad Həmkarlar İttifaqının Məclisinin növbəti iclası keçirilib

4-noyabr tarixində AMEA-nın Azad Həmkarlar İttifaqının (AHİ) Məclisinin növbəti iclası keçirilib. İclasda AHİ-nin sədri, professor Habil Qurbanov 44 günlük Vətən müharibəsinin tarixi əhəmiyyətindən danışıb və Zəfər Günü münasibətilə iştirakçıları təbrik edib. Daha sonra Azərbaycanın ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad olunub.

11/04/2022

İnstitutda Ali Məhkəmənin sabiq hakimi Vəfaddin İbayevlə görüş keçirilmişdir

3 noyabr tarixində Hüquq və İnsan Haqları İnstitutunda Ali Məhkəmənin sabiq hakimi Vəfaddin İbayevlə gorüş keçirilmişdir. Görüşdə İnsan hüquqlarının və əsas azadlıqların müdafiəsi haqqında konvensiya, Konvensiyanın 5-ci maddəsi ilə bağlı pozuntular və Avropa Məhkəməsinin bu maddə ilə baxılan işlərdə Azərbaycana qarşı qərarlarının təhlili, şəxs toxunulmazlığı hüququ sahəsində (Nağıyev, Qarayev, Şəntürk və.b) konkret təhlillər və müzakirələr aparılmışdır.

11/03/2022

Mətnlər üzərində birgə işləmək mövzusunda təlim keçirilmişdir

Noyabrın 3-də Hüquq və İnsan Haqları İnstitutunda əməkdaşımız Anar Mustafayev tərəfindən "Word tətbiqində mətnlər üzərində birgə işin aparılması və resenziya alətləri" mövzusunda təlim keçirilmişdir. İnstitutun əməkdaşları üçün təşkil olunan təlimdə sənədlərin tələblərə uyğun formatlandırılması, sənədlər üzərində birgə işləmək üçün xüsusi vasitələrdən istifadə barədə məlumat verilmişdir.

11/03/2022

Əməkdaşlarımız FAO tədbirində iştirak edib

31 oktyabr tarixində Zoom platforması üzərindən Dünya ərzaq gününə həsr olunmuş “2022 FAO hüquq mühazirəsinin açılış mərasimi: Heç kim arxada qalmasın. Daha yaxşı istehsal, daha yaxşı qidalanma, daha yaxşı mühit və daha yaxşı həyat” mövzusunda vebinar keçirilmişdir. FAO (BMT-nin Ərzaq və Kənd Təsərrüfatı Təşkilatı) aclığa qalib gəlmək üçün beynəlxalq səylərə rəhbərlik edən ixtisaslaşmış bir qurumdur.

11/01/2022

HUDOC məlumat bazası haqqında təlim keçirilmişdir

1 noyabr tarixində Hüquq və İnsan Haqları İnstitutunda əməkdaşımız Fərid Ələkbərov tərəfindən Avropa İnsan Hüquqları Məhkəməsinin presedent hüququna aid HUDOC məlumat bazası haqqında təlim keçirilmişdir. Təlim iştirakçılarına HUDOC məlumat bazasının funksional axtarış bölmələri ilə işləmək üçün zəruri məlumatlar verilmiş, daha sonra onlara məlumat bazasında əyani şəkildə praktiki axtarış imkanları göstərilmişdir.