Hüquq və İnsan Haqları İnstitutu (İnstitut) dekabrın 6-da Ümummilli Lider Heydər Əliyevin anadan olmasının 100 illiyinə, İnstitutun 25 illik yubileyinə və Beynəlxalq İnsan Hüquqları Gününə həsr olunmuş tədbir keçirmişdir.
Hüquq və İnsan Haqları İnstitutunun İdarə Heyətinin sədri Məhəmməd Quluzadə Məhkəmə-Hüquq Şurasına üzv seçilib.
Hüquq və İnsan Haqları İnstitutunun təşkilatçılığı və BMT-nin İnkişaf Proqramının dəstəyi ilə 2023-cü ilin “Heydər Əliyev ili” elan olunması çərçivəsində “Hüquq və insan haqları virtual kitabxanası”nın ictimaiyyətə açıq təqdimatı keçirilib. Təqdimat Ümummilli Lider Heydər Əliyevin anadan olmasının 100 illiyinə həsr olunub.
13 dekabr tarixində İnstitutumuzun əməkdaşları Nərmin Həsənova, Günel Əliyeva və Araz Abdullasoy ABŞ Beynəlxalq İnkişaf Agentliyinin (USAID) maliyyə dəstəyi ilə ICNL və “MG Consulting MMC”-nin əməkdaşlığı çərçivəsində hazırlanmış “VCT dayanıqlıq indeksi - 2021” hesabatının təqdimat mərasimində iştirak etmişlər.
7-9 dekabr 2022-ci il tarixlərində Hüquq və İnsan Haqları İnstitutu İdarə Heyətinin sədri Məhəmməd Quluzadə İnsan Hüquqları Gününə həsr olunmuş bir sıra tədbirlərdə iştirak etmişdir. Tədbirlər BMT, Avropa İttifaqı, Britaniya Səfirliyi və Bakı Dövlət Universitetinin Hüquq fakültəsi tərəfindən təşkil edilmişdir. BDU-nun Hüquq fakültəsi və Azərbaycan Respublikası Ədliyyə Nazirliyinin birgə təşkilatçılığı ilə keçirilən tədbirdə çıxış edən Məhəmməd Quluzadə Hüquq və İnsan Haqları İnstitutu haqqında ətraflı məlumat vermiş, insan hüquqlarının və əsas azadlıqlarının qorunmasının əhəmiyyətindən, ölkəmizdə bu sahədə görülən işlərdən, eləcə də Azərbaycan Respublikasının insan hüquqları ilə bağlı bütün beynəlxalq sənəd və konvensiyalara, o cümlədən İnsan hüquqları haqqında Ümumi Bəyannaməyə qoşulduğunu və beynəlxalq hüquq normalarının milli qanunvericiliyə implementasiya edildiyini vurğulamışdır.
İnstitutumuzun əməkdaşı Emin Dadaşovun “The Scientists view of point related to the concept of living space” (Yaşayiş sahəsinin anlayışı ilə bağlı alimlərin nöqteyi-nəzəri) adlı məqaləsi Rusiyada dərc edilmişdir. Məqalə dekabr ayının 5-də Penza şəhərində keçirilmiş “Hüquqşünaslıq, dövlət və hüquq: aktual məsələlər və müasir aspektlər” mövzusunda XI beynəlxalq elmi-praktik konfransın məqalələr toplusuna daxil edilmişdir. Məqalədə qeyd olunur ki, hüquq ədəbiyyatında yaşayış sahəsinə verilən anlayışlarla bağlı məsələlər alimlər arasında indiyədək diskussiya xarakteri daşıyır.
12 dekabr – Azərbaycan xalqının ümummilli lideri, müasir Azərbaycanın memarı və qurucusu Heydər Əliyevin anım günüdür. Hər bir xalqın tarixində, hər bir dövlətin qurulmasında, yaşamasında, inkişaf etməsində böyük şəxsiyyətlər mühüm əhəmiyyət kəsb edirlər. Onların dövlət quruculuğunda rolu, insanları ümumi bir məqsəd naminə səfərbər etmələri, xalqı mütəşəkkil qüvvə olaraq formalaşdırması, öz arxalarınca apara bilmək qabiliyyəti və s. kimi siyasi və idarəçilik keyfiyyətləri bu cür şəxsiyyətlərin lider kimi qəbul olunmalarına əsas verir. XX əsrin axırlarında yenidən müstəqillik qazanan Azərbaycan Respublikasının mövcudluğu və bu gün dünyanın sürətlə inkişaf edən dövlətlərindən birinə çevrilməsi xalqın haqlı olaraq ümummilli lider hesab etdiyi Heydər Əliyevin tarixi və misilsiz fəaliyyətinin nəticəsidir.
Hüquq və İnsan Haqları İnstitutu publik hüquqi şəxs tərəfindən keçirilən 10 dekabr - İnsan Hüquqları Gününə həsr olunmuş müsabiqə başa çatmışdır. Müsabiqədə Universitetlərin hüquq və jurnalistika ixtisasları üzrə bakalavr və magistr səviyyələrində təhsil alan tələbələr iştirak etmişlər. BDU-nun Hüquq fakültəsinin ən yüksək nəticə göstərən 3 tələbəsi - Eynəddin Həbibov, Arzu Şükürova və Şahid Məhərrəmli hüquq nominasiyası üzrə, həmçinin, BDU-nun Jurnalistika fakültəsinin ən yüksək nəticə göstərən 4 tələbəsi - Nuranə Quliyeva, İsa Taralov, Şəms Hüseynli və Elşən Soltanzadə jurnalistika nominasiyası üzrə qalib elan edilmişlər.
Dekabrın 8-də Avropa Şurasının Bakı ofisinin təşkilatçılığı ilə “Məişət zorakılığı insan hüquqları pozuntusu kimi” mövzusunda təqdimat təşkil edilmişdir. Təqdimat Avropa İnsan Hüquqları Məhkəməsinin azərbaycanlı hakimi Lətif Hüseynov və Konstitusiya Məhkəməsinin hakimi Ceyhun Qaracayev tərəfindən, layihənin rəhbəri Pərvanə Bayramovanın moderatorluğu ilə həyata keçirilmişdir. ZOOM platforması üzərindən keçirilən vebinarda əməkdaşımız Günel Əliyeva da iştirak etmişdir.
8 dekabr tarixində Hüquqi Ekspertiza və Qanunvericilik Təşəbbüsləri Mərkəzinin (Mərkəz) və Hüquq və İnsan Haqları İnstitutunun (İnstitut) birgə təşkilatçılığı ilə 10 dekabr - İnsan Hüquqları Gününə həsr olunmuş dəyirmi masa keçirilib. Tədbir son bir ildə ölkəmizdə insan hüquqları ilə bağlı qəbul edilmiş hüquqi aktları və görülmüş işləri, Mərkəzin və İnstitutun insan hüquqlarının müdafiəsi sahəsində rolunu və müxtəlif tərəfdaşların bu sahədə təcrübəsini müzakirə etmək məqsədilə təşkil olunmuşdur.
6 dekabr tarixində İnstitutumuzun əməkdaşları Eldəniz Mehrəliyev və Araz Abdullasoy Onlayn İctimai Nəzarət Platforması (www.enezaret.az) layihəsinin rüblük yekunlarına dair keçirilmiş dəyirmi masada iştirak etmişlər. Bu platformanın yaradılmasında əsas məqsəd ictimai maraq doğuran bəzi məsələlər (yollar, infrastruktur, abadlıq və s.) ilə bağlı vətəndaşlardan video və foto sübutlarla məlumat almaq və onların aidiyyəti dövlət orqanlarında həllinə nail olmaqdır.
İnstitutumuzun əməkdaşı Emin Dadaşovun “Azərbaycan Respublikasının Mənzil Məcəlləsinin 12.5-ci maddəsinin dəyişdirilməsinin zəruriliyi” adlı məqaləsi "Müasir Azərbaycan dövlətinin formalaşmasında Heydər Əliyevin rolu” adlı respublika elmi-praktiki konfransının matreallar toplusuna salınmışdır. Məqalədə göstərilir ki, mənzil, hüquq ədəbiyyatında və eləcə də təcrübədə tez-tez işlədilən "yaşayış sahəsi" ifadəsi ikimənalı səciyyə daşıyır.
İnstitutumuzun əməkdaşı Emin Dadaşovun “Mənzil hüququnun realizə edilməsi” adlı məqaləsi AMEA-nın Elm Tarixi İnstitutunun “Elm tarixi və elmşünaslıq: fənlərarası tədqiqatlar” mövzusunda keçirtdiyi Beynəlxalq elmi konfransın materiallar toplusunda dərc edilmişdir. Məqalədə göstərilir ki, müasir dövrdə sosial-iqtisadi əhəmiyyət kəsb edən problemlərdən biri də mənzil problemidir. 12 noyabr 1995-ci il tarixli Azərbaycan Respublikası Konstitusiyasının "Mənzil hüququ" başlıqlı 43-cü maddəsinə görə, hər kəs yaşadığı mənzildən qanunsuz məhrum edilə bilməz. Dövlət yaşayış binalarının və evlərin tikintisinə rəvac verir, insanların mənzil hüququnu gərçəkləşdirmək üçün xüsusi tədbirlər görür.
Bütün hüquqlar qorunur © 2024
Saytı hazırladı : Burncode LLC
