Son zamanlar Hüquq və İnsan Haqları İnstitutu hüquq mədəniyyətinin inkişaf etdirilməsi, hüquqi maarifləndirmə tədbirlərinin aparılması, həmçinin məlumatların rahat və əlçatan şəkildə ictimaiyyətə çatdırılması məqsədilə bir sıra rəqəmsal baza sistemləri və platformalar yaradıb.
Hüquq və İnsan Haqları İnstitutu (İnstitut) Praktikaya aid siqnallar Sorğusu (PASS) platformasını istifadəyə verib.
Hüquq və İnsan Haqları İnstitutu hüquq elmi sahəsində fəaliyyət göstərən alim və tədqiqatçıların yazdıqları əsərlər, tədris etdikləri fənlər, h-indeksləri və digər məlumatları əks etdirən vahid elektron məlumat bazasını istifadəyə verib.
17 may 2023-cü il tarixində “Hüquq və İnsan Haqları İnstitutu” publik hüquqi şəxsin (İnstitut) təlimçi-ekspertləri Bakı şəhəri Xətai Rayon İcra Hakimiyyətinin əməkdaşları üçün təlim keçiblər.
Mayın 16-da İnstitutun təlimçi-ekspertləri tərəfindən Azərbaycan Respublikası Daxili İşlər Nazirliyi Quba və Xaçmaz Rayon Polis şöbələrinin müstəntiqləri və təhqiqatçıları üçün təlimlər keçirilib. Təlim İnsan Hüquqları üzrə Avropa Konvensiyasının 5-ci maddəsində təsbit edilmiş “Azadlıq və şəxsi toxunulmazlıq hüququ”na dair müddəaların tətbiqi mövzularını əhatə edib.
15 may 2023-cü il tarixində “Hüquq və İnsan Haqları İnstitutu” publik hüquqi şəxsin (İnstitut) təlimçi-ekspertləri Bakı şəhəri Binəqədi Rayon İcra Hakimiyyətinin əməkdaşları üçün təlim keçiblər. Təlim “Vətəndaşların müraciətlərinə baxılması”, “Korrupsiya, rüşvət və etik davranış”, “Sosial mediada məsuliyyət” və “Yerli icra hakimiyyəti orqanlarının QHT-lərlə əməkdaşlığının perspektivləri” mövzularını əhatə edib.
İnstitutun hüquq tədqiqatçıları Zamiq Aslanovun və İlham Əliyevin “Qida təhlükəsizliyinin nəzəri aspektləri və müəyyənedici meyarları” və “Müasir Azərbaycanın hüquq sisteminin beynəlmiləlləşməsinin mənəvi aspektləri” mövzusunda məqalələri dərc olunub. Məqalə Azərbaycan Respublikası DTX-nın Heydər Əliyev adına Akademiyasının Ümummilli Lider Heydər Əliyevin anadan olmasının 100 illik yubileyinə həsr olunmuş “Azərbaycan təhlükəsizlik orqanlarının fəxri rəhbərləri” adlı respublika elmi-praktiki konfransının 5 may 2023-cü il buraxılışlı materiallar toplusuna salınıb.
Mayın 11-də Hüquq və İnsan Haqları İnstitutunun təlimçi-ekspertləri tərəfindən Azərbaycan Respublikası Daxili İşlər Nazirliyi Səbail Rayon Polis İdarəsinin müstəntiqləri və təhqiqatçıları üçün təlim keçirilmişdir. Təlim İnsan Hüquqları üzrə Avropa Konvensiyasının 5-ci maddəsində təsbit edilmiş “Azadlıq və şəxsi toxunulmazlıq hüququ”na dair müddəaların tətbiqi mövzularını əhatə edirdi.
Hüquq və İnsan Haqları İnstitutunun təşkilatçılığı və BMT-nin İnkişaf Proqramının dəstəyi ilə 2023-cü ilin “Heydər Əliyev ili” elan olunması çərçivəsində “Hüquq və insan haqları virtual kitabxanası”nın ictimaiyyətə açıq təqdimatı keçirilib. Təqdimat Ümummilli Lider Heydər Əliyevin anadan olmasının 100 illiyinə həsr olunub.
İnstitutun İdarə Heyətinin sədri Məhəmməd Quluzadə Ulu Öndər Heydər Əliyevin 100 illik yubileyi münasibətilə Dövlət Təhlükəsizliyi Xidmətinin (DTX) Heydər Əliyev adına Akademiyasının təşkilatçılığı ilə Xidmətin Mədəniyyət Mərkəzində keçirilən “Azərbaycan təhlükəsizlik orqanlarının fəxri rəhbəri” adlı elmi-praktik konfransda iştirak edib.
6 may 2023-cü il tarixində Hüquq və İnsan Haqları İnstitutunun və Avropa Hüquq Tələbələri Assosiasiyasının (European Law Students Association) birgə təşkilatçılığı ilə “Mülki, cinayət və inzibati proseslərdə məhkəmə iclasının qaydaları” mövzusunda təlim keçirilib.Təlim türk dünyasının ilk qadın vəkili Sürəyya Ağaoğlunun 120 illik yubileyinə həsr olunmuş XII Milli Məhkəmə Müsabiqəsi çərçivəsində reallaşıb.
8 may tarixində Bakı Dövlət Universitetinin Hüquq fakültəsində Azərbaycan xalqının ümummillli lideri Heydər Əliyevin 100 illiyinə həsr edilmiş “Ulu Öndər Heydər Əliyev hüquqi islahatların banisidir” mövzusunda konfransda İnstitutun İdarə Heyətinin sədr müavini Üzeyir Məmmədov iştirak edib.
Mayın 5-də “Vətəndaş Cəmiyyəti Təşkilatları Ölçü Meyarı” adlı ölkə hesabatının təqdimatını keçirb. Qeyd edək ki, “VCT Ölçü Meyarı:VCT-lərə əlverişli mühitin yaradılması və onların imkanlarının genişləndirilməsi üçün kompas” layihəsi Qeyri-Kommersiya hüququ üzrə Avropa Mərkəzi (ECNL) və onun tərəfdaşları tərəfindən icra olunur. Vətəndaş cəmiyyətinə təsir edən siyasət və qanunlar sahəsində qabaqcıl Avropa mənbəyi və tədqiqat mərkəzi olan ECNL bilik bazası yaratmaqla, eyni zamanda vətəndaş azadlıqlarını qoruyan və genişləndirən standartların müəyyən edilməsinə kömək edir.
Bütün hüquqlar qorunur © 2026
Saytı hazırladı : Burncode LLC
